一句講哂，老爺奶奶定工人姐姐？

香港地又要供車又要供樓，重有學費雜費等住你，所以雙職父母返工賺錢係香港家庭是常見的特產，而幫佢地解決照顧家中囝囡的方案都不外乎四個字：「老爺奶奶」又或者係「工人姐姐」。今次安域資訊團隊就幫大家分析一下，協助大家提早進行家庭計劃。

首先係老爺奶奶方面，兩老一定全心全意嬴工人姐姐十萬幾條街，始終係孫仔孫女嘅爺爺嫲嫲，一定不會心存惡意！而照顧方式方面，卻因時代有異容易現不協調，若其中一方堅持己見，便可聽到耳熟能詳的金句如「奶奶，唔可以比佢食架！要食得多對身體唔好！」、「邊個話唔識湊呀？你老公咪又係我咁樣湊大！」等等，婆媳關係容易因此急轉直下，即使好爸爸充當和事佬緩和婆媳氣氛，日後大家難免面阻阻或心中有刺等等。

反觀工人姐姐方面，雖然她是僱傭兵收錢做事，全心全意上未必及得上爺爺嫲嫲，但最少明碼實價明買明賣，僱主每月出糧給工人姐姐，不用受氣、不用處理人際關係、不用做和事佬，而且亦可自主指示工人，根據自己指示照顧小魔怪。資訊爆炸既年代，照顧初生嬰兒或小朋友的資訊都越來越多越豐富，所以媽媽們都有自己照顧小朋友的要求及標準。

根據以上種種，安域資訊團隊認為都係由工人姐姐打理家庭和小朋友，讓奶奶閒時來玩下孫仔孫女，好讓另一半與奶奶保持住良好關係，因為「手掌又係肉手背又係肉」嘛。

唔知你又點睇呢？

本文章內容由安域資訊團隊提供並只供參考，不代表安域僱傭服務公司立場，安域僱傭服務公司對任何人因使用或誤用任何信息或內容，或對其依賴而造成的任何損失或損害，不承擔任何責任。